EUROPE NEWS PUNJABI

ਮਿਲਾਨ (ਇਟਲੀ) 28 ਸਤੰਬਰ (ਸਾਬੀ ਚੀਨੀਆ) ਰਾਜਧਾਨੀ ਰੋਮ ਨੇੜੇਲੇ ਸ਼ਹਿਰ ਫਰਜੀਨੋ ਵਿਖੇ ਇਕ ਗੁਰ ਸਿੱਖ  ਵਿਅਕਤੀ ਦੀ ਭੇਦ-ਭਰੀ ਹਾਤਲ ਵਿੱਚ ਮੌਤ ਹੋਣ ਦੀ ਖਬਰ ਹੈ।ਮਿਲੀ ਜਾਣਕਾਰੀ ਮੁਤਾਬਿਕ ਰਾਜਿੰਦਰ ਸਿੰਘ ਨਾਂ ਦਾ ਇਹ ਵਿਅਕਤੀ ਜੋ ਅੱਜ ਸਵੇਰੇ ਮ੍ਰਿਤਕ ਪਾਇਆ ਗਿਆ।ਉਸ ਨਾਲ਼ ਰਹਿਣ ਵਾਲੇ ਸਾਥੀਆਂ ਮੁਤਾਬਿਕ ਸ਼ਾਇਦ ਐਤਵਾਰ  ਸਾਮ ਦੇ ਖਾਣੇ ਲਈ ਦਾਲ ਬਣਾਉਣ ਸਮੇਂ ਦਾਲ ਵਿੱਚ ਕਿਰਲੀ ਡਿੱਗ ਗਈ ਹੋਵੇਗੀ।ਅਤੇ ਇਹ ਜਹਿਰੀਲੀ ਦਾਲ ਉਸ ਨੇ ਅਤੇ ਉਸ ਦੇ ਇਕ ਹੋਰ ਸਾਥੀ ਨੇ ਖਾਧੀ ਸੀ ਜਿਸ ਕਾਰਨ ਉਸ ਦੇ ਇਕ ਸਾਥੀ ਨੂੰ ਉਲਟੀਆਂ ਵੀ ਲੱਗ ਗਈਆਂ ਪ੍ਰੰਤੂ ਉਸ ਦੀ ਹਾਲਤ ਹੁਣ ਠੀਕ ਹੈ। ਮ੍ਰਿਤਕ ਰਾਜਿੰਦਰ ਸਿੰਘ ਜਿਸ ਦੀ ਉਮਰ ਲੱਗਭਗ 60 ਸਾਲ ਕੁਰਾਲੀ ਨੇੜਲ੍ਹੇ ਪਿੰਡ ਸਿੰਘਪੁਰਾ ਨਾਲ਼ ਸਬੰਧਿਤ ਸੀ ਅਤੇ ਪਿਛਲੇ ਲੱਗਭਗ 25 ਸਾਲ ਤੋਂ ਇਟਲੀ ਰਹਿ ਰਿਹਾ ਸੀ-ਨਜਦੀਕੀਆਂ ਮੁਤਾਬਿਕ ਰਾਜਿੰਦਰ ਸਿੰਘ ਗੁਰਸਿੱਖ ਬਿਰਤੀਆਂ ਦਾ ਧਾਰਨੀ ਸੀ ਅਤੇ ਬਹੁਤ ਹੀ ਸਾਉ ਤੇ ਮਿਲਾਪੜੇ ਸੁਭਾਅ ਦਾ ਮਾਲਕ ਸੀ।ਉੱਧਰ ਦੂਜੇ ਪਾਸੇ ਮ੍ਰਿਤਕ ਦੇ ਰਿਸ਼ਤੇਦਾਰਾਂ ਨੇ ਖਦਸ਼ਾ ਪ੍ਰਗਟਾਇਆ ਹੈ ਕਿ ਸ਼ਾਇਦ  ਰਾਜਿੰਦਰ ਸਿੰਘ ਨੂੰ ਕਿਸੇ ਨੇ ਕੋਈ ਜਹਿਰੀਲੀ ਚੀਜ ਖੁਆ ਕੇ ਮਾਰ ਦਿੱਤਾ ਹੈ।ਇਟਲੀ ਪੁਲਿਸ ਨੇ ਰਾਜਿੰਦਰ ਸਿੰਘ ਦੇ ਮ੍ਰਿਤਕ ਸਰੀਰ ਨੂੰ ਕਬਜੇ ਵਿੱਚ ਲੈ ਕੇ ਮੌਤ ਦੇ ਕਾਰਨਾਂ ਦੀ ਜਾਂਚ ਆਰੰਭ ਦਿੱਤੀ ਹੈ।                       ...

                         ( ਇਤਿਹਾਸਿਕ ਪਲ਼ ) ਇਟਲੀ 27 ਸਤੰਬਰ (ਸਾਬੀ ਚੀਨੀਆ) ਇਸਾਈ ਧਰਮ ਦੇ ਇਤਿਹਾਸਿਕ ਘਰ ਰੋਮ ਤੋ ਸਿੱਖੀ ਦਾ ਧੁਰ੍ਹਾਂ ਸ੍ਰੀ ਅਮ੍ਰਿਤਸਰ ਸਾਹਿਬ ਲਈ ਇਤਿਹਾਸ ਵਿਚ ਪਹਿਲੀ ਵਾਰੀ ਕੋਈ ਸਿੱਧੀ ਫਲਾਇਟ ਬੀਤੇ ਬੁੱਧਵਾਰ ਸ੍ਰੀ ਗੁਰੂ ਰਾਮ ਦਾਸ ਇੰਟਰ ਨੈਸ਼ਨਲ ਹਵਾਈ  ਅੱਡੇ ਤੇ ਪੁੱਜੀ ਇਸ ਮੌਕੇ ਉਡਾਣ ਤੋ ਪਹਿਲਾ ਰੋਮ ਦੇ ਅੰਤਰ ਰਾਸ਼ਟਰੀ ਹਵਾਈ ਅੱਡੇ ਤੇ ਪ੍ਰੈਸ ਨਾਲ ਗੱਲ ਕਰਦਿਆ ਯਾਤਰੀਆ ਨੇ ਦੱਸਿਆ ਕਿ ਇਹ ਇਤਿਹਾਸ ਵਿਚ ਪਹਿਲੀ ਵਾਰ ਹੋਇਆ ਹੈ                 ਫਲਾਇਟ ਤੋ ਪਹਿਲਾ ਰੋਮ ਹਵਾਈ ਅੱਡੇ ਦੇ ਵੱਖ ਵੱਖ ਦ੍ਰਿਸ਼   ਫੋਟੋ ਸਾਬੀ ਚੀਨੀਆ                      ਜਦੋ ਰੋਮ ਤੋ ਸ੍ਰੀ ਅਮ੍ਰਿਤਸਰ ਸਾਹਿਬ ਲਈ ਸਿੱਧੀ ਫਲਾਇਟ ਜਾ ਰਹੀ ਹੈ। "ਤਾਜ ਮਹਿਲ ਟ੍ਰੈਵਲਜ਼, ਦੇ ਚੈਅਰਮੈਨ ਸ੍ਰੀ ਆਰ, ਕੇ, ਸੈਣੀ , ਸ੍ਰੀ ਗੁਰਵਿੰਦਰ ਕੁਮਾਰ ਬਿੱਟੂ ਨੇ ਦੱਸਿਆ ਕਿ ਉਹ ਪਿਛਲੇ 30 ਸਾਲ ਤੋ ਇਟਲੀ ਰਹਿ ਰਹੇ ਹਨ ਪਰ ਇੰਡੀਆ  ਜਾਣ ਨੂੰ ਦਿੱਲੀ ਤੱਕ ਵੀ ਬਹੁਤ ਘੱਟ ਸਿੱਧੀਆਂ ਫਲਾਇਟਾਂ ਜਾਂਦੀਆਂ ਸਨ। ਰੋਮ ਤੋ ਜਾਣ ਵਾਲੀਆਂ ਫਲਾਇਟਾਂ ਵਿਚ ਸਕਰੀਨ ਬੋਰਡ ਤੇ ਸ੍ਰੀ ਅਮ੍ਰਿਤਸਰ ਸਾਹਿਬ ਦਾ ਨਾਂ ਲਿਖਿਆ ਹੋਣਾ ਇਕ ਇਤਿਹਾਸਿਕ ਪਲ ਹਨ ਜਿਸਨੂੰ ਵੇਖਕੇ ...

  ਮਿਲਾਨ ਇਟਲੀ 22 ਸਤੰਬਰ (ਸਾਬੀ ਚੀਨੀਆ) ਇਟਲੀ ਦੇ ਜਿਲ੍ਹਾ ਵਿਸੈਂਸਾ ਦੇ ਕਸਬਾ ਲੋਨੀਗੋ ਦੀਆਂ ਨਗਰ ਨਿਗਮ ਚੌਣਾਂ ਵਿਚ ਵੱਡੀ ਜਿੱਤ ਹਾਸਿਲ ਕਰਕੇ ਗੁਰਸਿੱਖ ਉਮੀਦਵਾਰ ਕਮਲਜੀਤ ਸਿੰਘ ਕਮਲ ਨੇ ਨਵਾਂ ਇਤਿਹਾਸ ਰਚਿਆ ਹੈ । ਦੱਸਣਯੋਗ ਹੈ ਕਿ ਕਮਲਜੀਤ ਸਿੰਘ ਗਠਜੋੜ ਪਾਰਟੀਆਂ ਦੇ ਸਾਂਝੇ ਉਮੀਦਵਾਰ ਸਨ ।   ਜਿੰਨ੍ਹਾ ਦੀ ਇਸ ਇਤਿਹਾਸਿਕ ਜਿੱਤ ਨਾਲ ਇਟਲੀ ਵਿਚ ਭਾਈਚਾਰੇ ਵਿਚ ਖੁਸ਼ੀ ਦੀ ਲਹਿਰ ਹੈ। ਇਟਲੀ ਵਰਗੇ ਦੇਸ਼ ਵਿਚ ਇਕ ਗੁਰਸਿੱਖ ਨੌਜਵਾਨ ਦੀ ਨਗਰ ਨਗਰ ਨਿਗਮ ਚੌਣਾਂ ਵਿਚ ਜਿੱਤ ਇਸ ਦੇਸ਼ ਦੀ ਸਿਆਸਤ ਵਿਚ ਪੰਜਾਬੀਆਂ ਦੇ ਆਉਣ ਵਾਲੇ ਭਵਿੱਖ ਨੂੰ ਵੀ ਤਹ੍ਹਿ ਕਰੇਗੀ ਕਮਲਜੀਤ ਸਿੰਘ ਭੋਗਪੁਰ ਦੇ ਨੇੜਲੇ ਪਿੰਡ ਗੰਗਨਵਾਲ ਨਾਲ ਸਬੰਧਿਤ ਹੈ ਉਨ੍ਹਾਂ ਦੀ ਇਸ ਜਿੱਤ ਨਾਲ ਭਾਰਤੀ ਭਾਈਚਾਰੇ ਅਤੇ ਸਿੱਖਾਂ ਦੀ ਦਸਤਾਰ ਦਾ ਮਾਣ ਵਧਿਆ ਹੈ। ਜੋ ਇਟਲੀ ਦੇ ਸਿਆਸੀ ਹਲਕਿਆ ਵਿਚ ਇਕ ਨਵਾਂ ਕੀਰਤੀਮਾਨ ਹੈ।

      ਮਿਲਾਨ ਇਟਲੀ 21 ਸਤੰਬਰ ( ) ਵਾਤਾਵਰਨ, ਸਵਰਗੀ ਕੁਲਦੀਪ ਮਾਣਕ ਦਾ ਕੋਕਾ ਅਤੇ ਦਿਲਸ਼ਾਦ ਅਖਤਰ ਦੇ ਸੁਪਰ ਹਿੱਟ ਗੀਤ "ਸਾਨੂੰ ਪ੍ਰਦੇਸੀਆਂ ਨੂੰ ਯਾਦ ਕਰਕੇ , ਵਰਗੇ ਗੀਤਾਂ ਦਾ ਰੀਵਿਊ ਗਾਉਣ ਵਾਲੇ ਸੁਪਰ ਹਿੱਟ ਗਾਇਕ ਬਲਵੀਰ ਸ਼ੇਰਪੁਰੀ ਦਾ ਨਵਾਂ ਨਿਕੋਰ ਗੀਤ "ਰਿਕਾਰਡ ਬੋਲਦੇ, ਦੇ ਦੇਸ਼ ਵਿਦੇਸ਼ ਵਿਚ ਰਿਕਾਰਡ ਬੋਲ ਰਹੇ ਹਨ। "ਸ਼ਿਵਰੰਜਨੀ, ਰਿਕਾਰਡਜ ਦੇ ਬੈਨਰ ਅਤੇ ਸਾਬੀ ਚੀਨੀਆ ਦੀ ਪੇਸ਼ਕਾਰੀ ਹੇਠ ਰਿਲੀਜ਼ ਹੋਏ ਇਸ ਗੀਤ ਦਾ ਪੋਸਟਰ ਇਟਲੀ ਦੀ ਰਾਜਧਾਨੀ ਰੋਮ ਵਿਚ ਸ਼ਹੀਦ ਭਗਤ ਸਿੰਘ ਸਭਾ ਰੋਮ ਦੇ ਸ੍ਰਪ੍ਰਸਤ ਕੁਲਵਿੰਦਰ ਸਿੰਘ ਅਟਵਾਲ, ਗੁਰਪਾਲ ਸਿੰਘ ਜੌਹਲ (ਪ੍ਰਧਾਨ) ਦੀਦਾਰ ਸਿੰਘ ਦਾਰੀ, ਸੁਸ਼ੀਲ ਕੁਮਾਰ ,ਜਸਵਿੰਦਰ ਸਿੰਘ ਪੱਪੀ, ਤਰਨਵੀਰ, ਹਨੀ , ਰਛਪਾਲ ਸਿੰਘ ਸਮਰਾ ਦਲਵਿੰਦਰ ਕਾਲਾ, ਸ਼ੀਰ੍ਹਾ ਬਾਦੇਸ਼ਾਂ ਅਤੇ ਸਾਬ ਭੱਟੀ ਦੁਆਰਾ ਰਿਲੀਜ਼ ਕੀਤਾ ਗਿਆ ।                                ਇਸ ਗੀਤ ਸਬੰਧੀ ਜਾਣਕਾਰੀ ਸਾਂਝੀ ਕਰਦਿਆ ਕੁਲਵਿੰਦਰ ਸਿੰਘ ਅਟਵਾਲ ਨੇ ਦੱਸਿਆ ਕਿ ਸ਼ਹੀਦ ਭਗਤ ਸਿੰਘ ਸਭਾ ਵੱਲੋ ਇਟਲੀ ਦੀ ਧਰਤੀ ਅਨੇਕਾਂ ਸਭਿਆਚਾਕ ਮੇਲੇ ਕਰਵਾਏ ਜਾ ਚੁੱਕੇ ਹਨ ਉਨਾਂ ਚੰਗਾ ਗਾਉਣ ਵਾਲਿਆ ਨੂੰ ਹਮੇਸ਼ਾਂ ਹੱਲਾਸ਼ੇਰੀ ਦਿੱਤੀ ਬਲਵੀਰ ਸ਼ੇਰਪੁਰੀ ਇਕ ਅਜਿਹਾ ਗਾਇਕ ਹੈ ਜਿਸ ਦਾ ਗਾਇਆ ਇਕ ਇਕ ਗੀਤ ਸਮਾਜ ਨੂੰ ਸੇਧ ਦਿੰਦਾ ਹੈ। ਉਨਾਂ ਦੱਸਿਆ ਕਿ  ਗੀਤ...

  ਮਿਲਾਨ ਇਟਲੀ 20 ਸਤੰਬਰ (ਸਾਬੀ ਚੀਨੀਆ) ਗੁਰਦੁਆਰਾ ਸਿੰਘ ਸਭਾ ਕੌਰਤੇਨੌਵਾ (ਬੈਰਗਾਮੋ) ਦੇ ਪ੍ਰਬੰਧਕੀ ਢਾਚੇ ਵਿਚ ਰਹਿਕੇ ਗੁਰੂ ਘਰ ਦੀਆਂ ਸੇਵਾਵਾਂ ਨਿਭਾਉਣ ਵਾਲੇ ਭਾਈ ਅਮਨਜੀਤ ਸਿੰਘ ਵੱਲੋ ਆਪਣੀ ਪੁੱਤਰੀ ਏਕਜੋਤ ਦਾ ਪਹਿਲਾ ਜਨਮ ਦਿਨ ਉਸ ਅਕਾਲ ਪੁਰਖ ਦਾ ਸ਼ੁਕਰਾਨਾ ਕਰਦਿਆ  ਗੁਰਦੁਆਰਾ ਸਾਹਿਬ ਵਿਚ ਹਾਜਰੀਆਂ ਭਰਕੇ ਮਨਾਇਆ ਗਿਆ ।                                   ਇਸ ਖੁਸ਼ੀ ਦੇ ਮੌਕੇ ਪਰਿਵਾਰ ਵੱਲੋ ਸ੍ਰੀ ਸੁਖਮਨੀ ਸਾਹਿਬ ਦੇ ਜਾਪ ਕਰਵਾਏ ਗਏ ਅਤੇ ਆਈਆਂ ਸੰਗਤਾਂ ਲਈ ਲੰਗਰਾਂ ਦੀ ਸੇਵਾਵਾਂ ਕਰਕੇ ਆਪਣਾ ਜੀਵਨ ਸਫਲਾ ਬਣਾਇਆ । ਇਸ ਮੌਕੇ ਹਾਜੂਰੀ ਰਾਗੀ ਜੱਥੇ ਵਲੋ ਕਥਾ ਕੀਰਤਨ ਕਰਦਿਆ ਆਈਆਂ ਸੰਗਤਾਂ ਨੂੰ ਗੁਰੂ ਇਤਿਹਾਸ ਸ਼ਰਵਣ ਕਰਵਾਇਆ। ਅਜੋਕੇ ਸਮੇ ਜਿੱਥੇ ਬਹੁਤ ਸਾਰੇ ਲੋਕ ਆਪਣੇ ਬੱਚਿਆ ਦੇ ਜਨਮ ਦਿਨ ਹੋਟਲਾਂ ਵਿਚ ਪਾਰਟੀਆਂ ਕਰਕੇ ਮਨਾਉਣ ਨੂੰ ਤਰਜੀਹ੍ਹ ਦੇ ਰਹੇ ਹਨ ਉਥੇ ਸ ਅਮਨਜੀਤ ਸਿੰਘ ਤੇ ਬੀਬੀ ਕਮਲਜੀਤ ਕੌਰ ਨੇ ਆਪਣੀ ਪੁੱਤਰੀ ਦਾ ਜਨਮ ਦਿਨ ਪੂਰਨ ਸਿੱਖੀ ਸਿਧਾਂਤਾਂ ਮੁਤਾਬਿਕ ਗੁਰੂ ਗ੍ਰੰਥ ਸਾਹਿਬ ਦੀ ਗੋਦ ਦਾ ਨਿੱਘ ਮਾਣਦਿਆ ਮਨ੍ਹਾ ਕਿ ਇਕ ਚੰਗੀ ਪਹਿਲ ਕਦਮੀ ਕੀਤੀ ਹੈ। ਆਸ ਕਰਦੇ ਹਾਂ ਕਿ ਇਸ ਤੋ ਹੋਰ ਸੰਗਤਾਂ ਵੀ ਸੇਧ ਜਰੂਰ ਲੈਣਗੀਆਂ।

  ਮਿਲਾਨ ਇਟਲੀ 13 ਸਤੰਬਰ (ਸਾਬੀ ਚੀਨੀਆ) ਸ੍ਰੀ ਗੁਰੂ ਰਾਮ ਦਾਸ ਜੀ ਦੀ ਚਰਨ੍ਹ ਛੋਹ੍ਹ ਪ੍ਰਾਪਤ ਪਵਿੱਤਰ ਧਰਤੀ ਸ੍ਰੀ ਅਮ੍ਰਿਤਸਰ ਸਾਹਿਬ ਤੋ ਇਟਲੀ ਦੀ ਰਾਜਧਾਨੀ ਰੋਮ ਲਈ ਸਿੱਧੀ ਫਲਾਇਟ 21 ਸਤੰਬਰ ਨੂੰ ਜਾ ਰਹੀ ਹੈ ਜਿਸ ਸਬੰਧੀ ਜਾਣਕਾਰੀ ਸਾਂਝੀ ਕਰਦਿਆ "ਤਾਜ ਮਹਿਲ ਟ੍ਰੈਵਲਜ਼, ਦੇ ਚੈਅਰਮੈਨ ਸ੍ਰੀ ਆਰ, ਕੇ, ਸੈਣੀ , ਸ੍ਰੀ ਗੁਰਵਿੰਦਰ ਕੁਮਾਰ ਅਤੇ ਵਿੱਕੀ ਸੈਣੀ ਨੇ ਦੱਸਿਆ ਕਿ ਇਤਿਹਾਸ ਵਿਚ ਪਹਿਲੀ ਵਾਰੀ ਹੋਵੇਗਾ ਜਦੋ ਕੋਈ ਫਲਾਇਟ ਅਮ੍ਰਿਤਸਰ ਤੋ ਸਿੱਧੀ ਰੋਮ ਜਾਵੇਗਾ ਅਤੇ ਇਹੀ ਫਲਾਇਟ ਵਾਪਿਸ 22 ਸਤੰਬਰ ਨੂੰ ਅਮ੍ਰਿਤਸਰ ਆਵੇਗੀ  ਇਸ ਫਲਾਇਟ ਦੇ ਚੱਲਣ ਨਾਲ ਇਸਾਈ ਧਰਮ (ਵੈਟੀਕਰਨ ਸਿਟੀ) ਅਤੇ ਸਿੱਖ ਧਰਮ ਦੀਆਂ ਧਾਰਮਿਕ ਭਾਵਨਾਵਾਂ ਨਾਲ ਜੁੜੇ (ਹਰਿਮੰਦਰ ਸਾਹਿਬ ) ਦਾ ਸਫਰ ਸਿਰਫ 8 ਘੰਟਿਆ ਵਿਚ ਤਹ੍ਹਿ ਕਰਨਗੇ। ਜਿਸ ਨਾਲ ਯੂਰਪ ਤੋ ਹਰਿਮੰਦਰ ਸਾਹਿਬ ਆਉਣ ਵਾਲੇ ਸੈਲਾਨੀਆ ਨੂੰ ਬਹੁਤ ਸੌਖ ਹੋਵੇਗੀ ।                           ਫਲਾਇਟ ਸਬੰਧੀ ਜਾਣਕਾਰੀ ਸਾਂਝੀ ਕਰਦੇ ਹੋਏ ਪ੍ਰਬੰਧਕ , ਫੋਟੋ ਸਾਬੀ ਚੀਨੀਆ

                                            ਸੁਲਤਾਨਪੁਰ ਲੋਧੀ,4 ਸਤੰਬਰ () ਜਰਨਲਿਸਟ ਪ੍ਰੈੱਸ ਕਲੱਬ ਪੰਜਾਬ ਦੀ ਸਥਾਨਕ ਯੂਨਿਟ ਦੇ ਪ੍ਰਧਾਨ ਲਖਵੀਰ ਸਿੰਘ ਲੱਖੀ ਦੇ ਵੱਡੇ ਭੈਣ ਕੁਲਵੰਤ ਕੌਰ ਧਰਮਪਤਨੀ ਮਾਸਟਰ ਰੂਪ ਚੰਦ, ਜੋ ਬੀਤੇ ਦਿਨੀਂ ਗੁਰੂ ਚਰਨਾਂ ਵਿਚ ਜਾ ਬਿਰਾਜੇ ਸਨ, ਦੀ ਆਤਮਿਕ ਸ਼ਾਂਤੀ ਲਈ ਸ੍ਰੀ ਸੁਖਮਨੀ ਸਾਹਿਬ ਜੀ ਦੇ ਪਾਠ ਦੇ ਭੋਗ ਉਨ੍ਹਾਂ ਦੇ ਗ੍ਰਹਿ ਵਿਖੇ ਪਾਏ ਗਏ ਉਪਰੰਤ ਗੁਰਦੁਆਰਾ ਗੁਰੂ ਕਾ ਬਾਗ ਵਿਖੇ ਕੀਰਤਨ ਅਤੇ ਅੰਤਿਮ ਅਰਦਾਸ ਹੋਈ। ਇਸ ਮੌਕੇ ਸ਼ਰਧਾਂਜਲੀ ਸਮਾਗਮ  ਨੂੰ ਸੰਬੋਧਨ ਕਰਦਿਆਂ ਸ਼੍ਰੋਮਣੀ ਕਮੇਟੀ ਮੈਂਬਰ ਜਥੇਦਾਰ ਜਰਨੈਲ ਸਿੰਘ ਡੋਗਰਾਂਵਾਲਾ ਅਤੇ ਮੁਖ਼ਤਾਰ ਸਿੰਘ ਚੰਦੀ ਨੇ ਸਵਰਗੀ ਕੁਲਵੰਤ ਕੌਰ ਦੀ ਮੌਤ ਤੇ ਦੁੱਖ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ ਕਿ ਉਹ ਧਾਰਮਿਕ ਵਿਚਾਰਾਂ ਅਤੇ ਸੇਵਾ ਭਾਵਨਾ ਵਾਲੇ ਸਨ ਅਤੇ ਉਨ੍ਹਾਂ ਦੇ ਅਚਾਨਕ ਚਲੇ ਜਾਣ ਤੇ ਜਿੱਥੇ ਸਮਾਜ ਨੂੰ ਵੱਡਾ ਘਾਟਾ ਪਿਆ ਹੈ, ਉਥੇ ਪਰਿਵਾਰ ਨੂੰ ਵੀ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ। ਇਸ ਮੌਕੇ ਭਾਈ ਸਰਬਜੀਤ ਸਿੰਘ ਹਜ਼ੂਰੀ ਰਾਗੀ ਗੁਰਦੁਆਰਾ ਸ੍ਰੀ ਬੇਰ ਸਾਹਿਬ ਨੇ ਸੰਗਤਾਂ ਨੂੰ ਵੈਰਾਗਮਈ ਕੀਰਤਨ ਰਾਹੀਂ ਗੁਰਬਾਣੀ ਨਾਲ ਜੋੜਿਆ।                     ...

  ਮਿਲਾਨ ਇਟਲੀ 2 ਸਤੰਬਰ (ਸਾਬੀ ਚੀਨੀਆ) ਸ਼ਹੀਦ ਊਧਮ ਸਿੰਘ ਸਪੋਰਟਸ ਐਡ ਕਲਚਰ ਕਲੱਬ (ਰੋਮ) ਇਟਲੀ ਦੇ ਪ੍ਰਧਾਨ ਅਤੇ ਉੱਘੇ ਸਿੱਖ ਆਗੂ ਭਾਈ ਮਨਜੀਤ ਸਿੰਘ ਜੱਸੋਮਜਾਰਾ ਦੇ ਪਿਤਾ ਬਾਪੂ ਸੰਤ ਸਿੰਘ ਅਕਾਲ ਪੁਰਖ ਵੱਲੋ ਬਖਸ਼ਿਸ਼ ਕੀਤੀ ਸਵਾਸਾਂ ਦੀ ਪੂੰਜੀ ਭੁਗਤ ਵਾਹਿਗੁਰੂ ਦੇ ਚਰਨਾ ਵਿਚ ਜਾ ਬਿਰਾਜੇ ਹਨ । ਉਨਾਂ ਦੇ ਅਕਾਲ ਚਲਾਣੇ ਤੇ ਇਟਲੀ ਦੀਆਂ ਕਈ ਖੇਡ ਕਲੱਬਾਂ , ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਮੈਂਬਰਾਂ ਸਮੇਤ ਸਿਆਸੀ ਤੇ ਗੈਰ ਸਿਆਸੀ ਸ਼ਖਸ਼ੀਅਤਾਂ ਵੱਲੋ ਭਾਈ ਮਨਜੀਤ ਸਿੰਘ ਜੱਸੋਮਜਾਰਾ ਤੇ ਪਰਿਵਾਰ ਨਾਲ ਦੁੱਖ ਦਾ ਪ੍ਰਗਟਾਵਾ ਕੀਤਾ ਗਿਆ ਹੈ ਦੱਸਣਯੋਗ ਹੈ ਕਿ ਬਾਪੂ ਸੰਤ ਸਿੰਘ (81) ਗੁਰੂ ਘਰ ਦੇ ਬੜੇ ਗੂੜ੍ਹੇ ਪ੍ਰੇਮੀ ਸਨ ਅਤੇ ਉਨਾਂ ਦੇ ਪੁੱਤਰ ਮਾਸਟਰ ਪਰਵਿੰਦਰ ਸਿੰਘ ਫਗਵਾੜਾ ਨੇੜਲੇ ਪਿੰਡ ਜੱਸੋਮਜਾਰਾ ਦੇ ਸਰਪੰਚ ਹੋਣ ਨਾਤੇ ਪਿੰਡ ਤੇ ਇਲਾਕਾ ਨਿਵਾਸੀਆ ਦੀ ਸੇਵਾ ਵਿਚ ਹਾਜਰ ਰਹਿੰਦੇ ਹਨ ਉਥੇ ਭਾਈ ਮਨਜੀਤ ਸਿੰਘ ਅਤੇ ਦਵਿੰਦਰ ਸਿੰਘ ਇਟਲੀ ਵਿਚ ਨਾਮੀ ਬਿਜਨੈਸਮੈਂਨ ਹਨ ਵਿਛੜੀ ਰੂਹ ਦੀ ਆਤਮਾ ਦੀ ਸ਼ਾਤੀ ਲਈ ਗੁਰਦੁਆਰਾ ਹਰਿਗੋਬਿੰਦ ਸੇਵਾ ਸੁਸਾਇਟੀ ਲਾਦੀਸਪੋਲੀ ਰੋਮ ਵਿਖੇ 20 ਸਤੰਬਰ ਐਤਵਾਰ ਨੂੰ ਆਖੰਠ ਪਾਠ ਦੇ ਭੋਗ ਪੁਵਾਏ ਜਾਣਗੇ।

                            ਰੰਗੀਨ ਮਜਾਜੀ ਹੋਣ ਕਰਕੇ ਰਹਿੰਦੇ ਨੇ ਚਰਚਾ ਵਿਚ ਮਿਲਾਨ ਇਟਲੀ 2 ਸਤੰਬਰ (ਸਾਬੀ ਚੀਨੀਆ) ਇਟਲੀ ਦੀ ਸਿਆਸਤ ਦੇ ਬਾਬਾ ਬੋਹੜ ਸਾਬਕਾ ਪ੍ਰਧਾਨ ਮੰਤਰੀ ਸਿਲਵੀA ਬਰਸਲਕੋਨੀ ਦੀ ਕਰੋਨਾ ਰਿਪੋਰਟ ਪੋਜੈਟਿਵ ਆਉਣ ਤੋ ਬਾਅਦ ਇਟਲੀ ਦੇ ਸਿਆਸੀ ਲੋਕਾਂ ਵਿਚ ਇਕ ਵਾਰੀ ਫਿਰ ਸਹਿਮ ਦਾ ਮਾਹੌਲ ਬਣ ਗਿਆ ਹੈ ਉਹ ਗਰਮੀਆ ਦੀਆਂ ਛੁੱਟੀਆ ਬਿਤਾਕੇ ਵਾਪਿਸ ਆਏ ਸਨ ਇਸ ਤੋ ਪਹਿਲਾ ਕਿ "ਫੋਰਸਾ ਇਟਾਲੀਆ, ਪਾਰਟੀ ਦੇ ਪ੍ਰਧਾਨ ਬਰਲਸਕੋਨੀ 19 ,20 ਸਤੰਬਰ ਨੂੰ ਹੋਣ ਵਾਲੀਆਂ ਨਗਰ ਨਿਗਮ ਚੌਣਾਂ ਲਈ ਪਾਰਟੀ ਉਮੀਦਵਾਰਾਂ ਦੇ ਚੌਣ ਪ੍ਰਚਾਰ ਲਈ ਮੈਦਾਨ ਵਿਚ ਆਉਦੇ ਉਨਾਂ ਨੂੰ ਕਰੋਨਾ ਮਹ੍ਹਾਮਾਰੀ ਨੇ ਆਪਣੀ ਲਪੇਟ ਵਿਚ ਲੈ ਲਿਆ ਹੈ ਪਾਰਟੀ ਦਫਤਰ ਤੋ ਜਾਰੀ ਨੋਟਿਸ ਮੁਤਾਬਿਕ ਉਹ ਇਕਾਂਤਵਾਸ ਵਿਚ ਰਹਿਕੇ ਪਾਰਟੀ ਲਈ ਦਿਸ਼ਾ ਨਿਰਦੇਸ਼ ਜਾਰੀ ਕਰਨਗੇ ।                            ਦੱਸਣਯੋਗ ਹੈ ਸਿਲਵੀA ਬਰਲਸਕੋਨੀ ਅਕਸਰ ਆਪਣੇ ਤੋ ਅੱਧੀ ਉਮਰ ਦੀਆਂ ਮਸ਼ਹੂਰ ਮਾਡਲਾਂ ਨਾਲ ਸਬੰਧਾਂ ਤੇ ਰੰਗੀਨ ਮਜਾਜੀਆਂ ਕਰਕੇ ਚਰਚਾ ਵਿਚ ਰਹਿੰਦੇ ਹਨ ਉਥੇ ਇਟਲੀ ਦੀ ਸਭ ਤੋ ਮਸ਼ਹੂਰ ਫੁੱਟਬਾਲ ਕਲੱਬ ਏ ਸੀ ਮਿਲਾਨ ਦੇ ਮੁੱਖ ਸਪਾਂਸਰ ਵੀ ਹਨ ਅਤੇ ਉਨਾਂ ਸਬ ਤੋ ਪਹਿਲਾ ਕਰੋਨਾ ਦੀ ਮਾਰ ਹੇਠ ਆਈ ਸਟੇਟ ਲੰਮਬਾਰਦੀਆ ਵਾ...