ਇਟਲੀ ਚੋ ਪੰਜਾਬੀ ਭਾਈਚਾਰਾ ਪੂਰੀ ਤਰ੍ਹਾ ਹੋਇਆ ਕਰੋਨਾ ਮੁਕਤ

ਮਿਲਾਨ ਇਟਲੀ 12 ਜੂਨ (ਸਾਬੀ ਚੀਨੀਆ) ਚੀਨ ਤੋ ਬਾਅਦ ਕਰੋਨਾ ਮਹਾਂਮਾਰੀ ਦਾ ਦੂਜਾ ਘਰ ਬਣੇ ਯੂਰਪੀਅਨ ਦੇਸ਼ ਇਟਲੀ ਤੋ ਪੰਜਾਬੀਆਂ ਲਈ ਇਕ ਹੋਰ ਸੁੱਖ ਸੁਨੇਹਾ ਆਇਆ ਹੈ | ਜਿੱਥੇ ਕਿ ਰਾਜਧਾਨੀ ਰੋਮ ਦੇ ਨੇੜਲੇ ਸ਼ਹਿਰ ਲਾਦੀਸਪੋਲੀ ਦੇ ਗੁਰਦੁਆਰਾ ਹਰਿਗੋਬਿੰਦ ਸੇਵਾ ਸੁਸਾਇਟੀ ਵਿਖੇ ਹੋਏ ਕਰੋਨਾ ਫਰੀ ਕਰੋਨਾ ਟੈਸਟ ਕੈਂਪ ਵਿਚ ਸਾਰੇ ਪੰਜਾਬੀਆਂ ਦੀਆਂ ਕਰੋਨਾ ਰਿਪੋਰਟਾਂ ਨੈਗਟਿਵ ਆਉਣ ਤੋ ਬਾਅਦ ਇਟਲੀ ਰਹਿੰਦੇ ਭਾਰਤੀਆ ਚੋ ਖੁਸ਼ੀ ਦਾ ਮਾਹੌਲ ਬਣਿਆ ਹੋਇਆ ਹੈ | 

ਸਥਾਨਿਕ ਸਿਹਤ ਪ੍ਰਸ਼ਾਸ਼ਨ ਦੇ ਨਿਰਦੇਸ਼ਾਂ ਤਹ੍ਹਿਤ ਇਥੇ ਲੱਗੇ ਫਰੀ ਕਰੋਨਾ ਟੈਸਟ ਵਿਚ ਕੋਈ 50 ਦੇ ਕਰੀਬ ਭਾਰਤੀਆਂ ਦੇ ਕਰੋਨਾ ਟੈਸਟ ਕੀਤੇ ਗਏ ਜਿੰਨਾਂ ਚੋ ਸਾਰੀਆ ਰਿਪੋਰਟਾਂ ਨੈਗਟਿਵ ਆਉਣ ਤੇ ਡਾਕਟਰੀ ਟੀਮ ਨੇ ਆਖਿਆ ਕਿ ਪਿਛਲੇ ਢੇਡ ਸਾਲ ਵਿਚ ਅਜਿਹਾ ਪਹਿਲੀ ਵਾਰ ਹੋਇਆ ਹੈ ਕਿ ਸਾਰੇ ਦੀਆਂ ਸਾਰੀਆਂ ਰਿਪੋਰਟਾਂ ਨੈਗਟਿਵ ਆਈਆ ਹੋਣ ਸ਼ਾਇਦ ਇਟਲੀ ਵਲੋ ਕਰੋਨਾ ਖਿਲਾਫ ਛੇੜੀ ਜੰਗ ਵਿਚ ਇਹ ਇਤਿਹਾਸਿਕ ਪਲ੍ਹ ਸਨ। ਡਾਕਟਰੀ ਟੀਮ ਦਾ ਮੰਨਣਾ ਹੈ ਕਿ ਸਰਕਾਰ ਵੱਲੋ ਵੈਕਸੀਨ ਲਾਉਣ ਦੀ ਵਿਖਾਈ ਜਾ ਰਹੀ ਤੇਜ ਕਾਰਨ ਕਰੋਨਾ ਦਾ ਪ੍ਰਭਾਵ ਬਿਲਕੁਲ ਘੱਟ ਚੁੱਕਾ ਹੈ ।

https://youtu.be/8GWrzKrCPJ4